WhatsApp Ki Profile Picture Lagane Ka Aasan Tareeqa
WhatsApp is waqt ek zaroorat ka naam hai. WhatsApp ne poori
duniya mein ek doosre se rabta karna bilkul aasan bana diya hai.
WhatsApp ki ek ahm cheez hoti hai Profile Picture. Is ko
short mein DP kaha jata hai. DP ka matlab hota hai Display Picture. Yeh picture
aap ki pehchan hoti hai. Aap ki WhatsApp ki DP ya picture doosron ko batati hai
ke aap kon hain.
Agar aap apne WhatsApp par profile picture ko lagana chahte
hain ya pehle wali picture ko badalna chahte hain ya profile picture ko hatana
chahte hain to yeh article aap ke liye hi hai.
Yahan aap ko step-by-step Urdu zuban mein bataya jaye ga keh
aap WhatsApp ki profile picture ko kaise laga sakte hain ya kaise badal sakte
hain ya kaise hata sakte hain.
WhatsApp Ki Profile Picture Ko Lagane Ka Tareeqa
Sab se pehle apne phone mein WhatsApp ki app ko open karein.
WhatsApp open karne ke baad, aap ko screen ke oper right side
par teen dots (⋮) nazar
aayen ge. Un par tap karein. Ek menu open ho ga. Is mein se
"Settings" ko select karein.
Settings mein jaane ke baad, aap ko apni profile dikhai de gi.
Apne naam aur profile picture par tap karein.
Aap ki profile screen open ho jaye gi. Yahan aap ko apni mojooda
profile picture nazar aaye gi. Picture ke oper camera icon (📷) ho ga. Is camera par tap karein.
Tap karne par aap ko teen options milen ge “Camera”, “Galery”
aur “Delete”.
Camera
Agar aap foran ek photo le kar lagana chahte hain toh “Camera”
ke option ko select karein.
Gallery
Agar aap apne phone ki gallery se photo choose karna chahte
hain toh “Gallery” ke option ko select karein.
Agar aap ne "Gallery" ko select kiya hai toh apni
pasand ki photo select karein. Agar aap ne "Camera" ko select kiya
hai toh ek nayi photo lein.
Photo ko select karne ke baad aap ko usse crop aur adjust
karne ka option bhi mile ga. Apni pasand ke mutabik photo ko crop karein aur
adjust karein.
Jab aap photo ko laga chuke hon to phir screen ke neeche
"Done" ya "OK" par tap karein.
Note: Is tareeqe ko istemal kar ke aap nayi picture bhi laga
sakte hain aur poorani picture ko badal bhi sakte hain.
WhatsApp Ki Profile Picture Ko Hatane Ka Tareeqa
Jab aap WhatsApp ki profile picture ko lagane ya tabdeel
karne ke liye “Camera” ke icon par tap karte hain to aap ko wahan “Camera” aur
“Gallery” ke sath sath “Remove” ya “Delete” ka option bhi milta hai.
Note: Delete ya Remove ki jagah yeh nishan bhi ho sakta hai “🗑️”.
Agar aap apni mojooda profile picture ko hatana chahte hain to “Remove” ya “Delete” ke option ko select karein. Is tarah aap ki mojooda WhatsApp profile picture khatam ho jaye gi.